Aktualitet

Miratohet platforma për Agjencinë/ Korreshi: Si çorape leshi, e grisur te gishti


Bëhu pjesë e Grupit Zyrtar të Opinion.al
>> KËTU <<
               Publikuar në : 14:53 - 19/10/21 |
Opi Nion

Komisioni i Ligjeve këtë të martë ka miratuar në parim projektligjin për ‘Agjencinë për dialog dhe bashkëqeverisje’ me 12 vota pro dhe 6 kundër. Ky projektligj i prezantuar nga ministrja e Shtetit Elisa Spiropali është shoqëruar me diskutime si nga deputetë të PS ashtu edhe nga deputetë të PD në Komisionin e Ligjeve.

Ka qenë deputeti i Partisë Socialiste Fatmir Xhafaj, i cili tha se ligji është i shkruar keq dhe nuk ka qartësinë e nevojshme.

“Ligji nuk e ka qartësinë e nevojshme, por e komplikon. Projektligji në thelb ka qëllim të mirë dhe duhet mbështetur. Por ligji vetë shkon përtej, është i shkruar keq. Edhe relacioni është shumë i thatë, jo argumentues për qëllimet që ka pasur nisma vetë. Spiropali bëri një prezantim të mirë dhe sqaroi disa momente të rëndësishme. Por unë ende kam disa paqartësi dhe dua të shtroj disa pyetje. Relacioni flet për riorganizim të agjencisë. Cili është statusi aktual i agjencisë? Cilat janë disa nga arritjet dhe problematikat e konstatuara të kësaj strukture? Cilat janë arsyet pra që ndikojnë këto për ta ngritur në forcën e ligjit? Sa qytetarë i janë drejtuar kësaj agjencie në këto vite? Nuk arrijmë ta kuptojmë çfarë statusi dhe pozicioni ka në strukturën e administratës shtetërore. Ku hyn agjencia, është institucion varësie apo autonome? Nuk e kuptoj zonja ministre pse duhet të ketë flamur dhe stemë kjo agjenci. Mbrojtja e të dhënave si do të garantohet? A ka nevojë në këtë ligj apo duhet t’i referohemi ligjeve të tjera,” tha Xhafaj.

Ndërsa deputeti i Partisë Demokratike, Saimir Korreshin me ironi u shpreh se kjo platformë i duket “si një çorape leshi e veshur në behar”.

“E di si më duket, si çorape leshi e veshur në behar që është grisur te gishti. Kjo agjenci ka shkelur ndonjë ligj? Ku është ajo hierarkia e ligjit. Si ka operuar? Ju deri tani thoni 43 mije, një shifër e tillë? Sa do të jetë ajo zgjidhja që ky ligj do të ketë konkretisht? Tjetër që kam shumë problem, për sa i përket konfliktit që krijon me gjykatën administrative? Doni ta hiqni gjykatën? Tek ligji propozoni që do marrë vërejtje, do t’i shkulim veshin, do i heqim ditën e punës, por ligji parashikon që veprimet dhe mosveprimet bëjnë shpërdorim detyre”, tha Korreshi./Opinion.al

 

Pas