Aktualitet

A do ulet ora policore? Rakacolli: Ja çfarë na sugjerojnë shifrat


Bëhu pjesë e Grupit Zyrtar të Opinion.al
>> KËTU <<
               Publikuar në : 15:24 - 19/10/21 |
Opi Nion

Zëvendësministrja e Shëndetësisë, Mira Rakacolli, ka folur ditën e sotme për situatën me koronavirusin në vendin tonë, ku bëri me dije se shumica e të shtruarve në spitale janë të pavaksinuar ndaj bëri thirrje për vaksinim.

Rakacolli tha se nga Covid-19 po infektohen dhe po humbin jetën edhe moshat e reja, duke theksuar edhe faktin se në dimër infeksionet respiratore shtohen, ndaj ka tendencë rritjeje të shifrave.

“Situata e infeksionit paraqitet deri diku e stabilizuar, me një tendencë të lehtë në rënie. Ne ja dedikojmë këtë vaksinimit. Vazhdojmë të kemi të shtruar nëpër spitale, si dhe jetë të humbura. Ajo që dua unë të ritheksoj është se shumica e të shtruarve në spital janë të pavaksinuar, po ashtu edhe ajo e jetëve të humbura. Prandaj ju bëj apel qytetarëve që të vaksinohen, sepse në dimër infeksionet respiratorë shtohen, ndaj ka tendencë rritjeje. Nuk ka më asnjë dyshim, që vaksina të mbron mjaft, por s’duhen harruar edhe masat e tjera, si mbajtja e maskës, që fatkeqësisht është e neglizhuar. Ka prekje të moshave të reja dhe humbje jete, prandaj duhet me patjetër që është moshat e reja ta ndjejnë shumë afër rrezikun e virusit. Janë mbi 1 milion e 800 doza vaksine të bëra. Jemi te rreth 44% e vaksinimit në kategorinë mbi 18 vjeç”, u shpreh Rakacolli.

E pyetur se a do të ulet ora policore Rakacolli tha se kjo varet nga shifra.

“Varet nga shifrat. Në diskutimet që kemi bërë, të javës së kaluar, shifrat nuk na sugjerojnë një gjë të tillë, por jemi në varësi të shifrave”, tha Rakacolli./Opinion.al

Pas