Bota

Ministri Di Maio: Hapni kufijtë me Italinë, mos na trajtoni si spital


Bëhu pjesë e Grupit Zyrtar të Opinion.al
>> KËTU <<
               Publikuar në : 16:47 - 30/05/20 |
el ida

Ministri i Jashtëm italian Luigi Di Maio ka kundërshtuar vendimin e disa vendeve për moshapjen e kufijve me Italinë, për shkak të situatës së vështirë që vendi kaloi me koronavirusin.

Sipas tij, përveç kësaj, qeveritë në vende të ndryshme të botës kanë këshilluar qytetarët e tyre që të shmangin udhëtimet drejt vendit të tij.

“Në këto ditë kam dëgjuar shumë për Italinë. Nuk më duket se është momenti për të bërë polemika, por një gjë dua ta them në mënyrë të qartë: Kërkojmë respekt. Nëse dikush mendon se të na trajtojë si lazzaretto (spital për sëmundjet infektive) duhet ta dijë se ne nuk do të qëndrojmë duarkryq. Unë e kuptoj konkurrencën midis shteteve, por me kushtin që ajo të jetë e shëndetshme dhe e drejtë,” u shpreh Di Maio.

Ministri sqaroi se megjithë periudhën e vështirë që kaloi, shteti fqinj është i hapur edhe për vizitorët e huaj dhe për të nxitur këtë ka hequr rregullin e karantinës për turistët që vijnë nga vendet e zonës Shengen.

“Unë do t’u shpjegoj kolegëve të mi se Italia është e gatshme të presë turistë të huaj nga 15 qershori dhe se ne do të veprojmë me transparencën maksimale. Situata e brendshme, të gjitha të dhënat për infeksionet, do të jenë gjithmonë publike. Ne nuk e pranojmë listën e zezë dhe nuk kemi asgjë për të fshehur, përkundrazi. Ne gjithmonë kemi vepruar me përgjegjësi dhe transparencë dhe do të vazhdojmë ta bëjmë këtë.”, shtoi ai.

Ministri i Jashtëm italian shton se duhet një kundërpërgjigje e përbashkët europiane sa i përket rihapjes së kufijve. Në të kundërt, Di Maio paralajmëron për rrezikim të shpirtit unifikues të Bashkimit Europian dhe të projektit politik./Opinion.al

Pas