Kryesore

Milo pas takimit Metën: S’ka rëndësi kur bëhen zgjedhjet, por…


               Publikuar në : 20:35 - 12/06/19 |
Opi Nion

Kreu i Partisë Demokracia Sociale, Paskal Milo pas takimit me presidentin Ilir Meta, është shprehur se ai do të vijojë takimet deri në zgjidhjen e krizës politike.

Milo tha se palët politike duhet të gjejnë zgjidhjen sa më të përshtatshme, duke theksuar se gjithmonë duhet të mbizotëroj interesi kombëtar.

Ndonëse është në një aleancë tashmë të deklaruar me PS-në, kreu i Partisë Demokracia Sociale, tha se Shqipëria duhet të shmang përplasjet politike apo sociale.

“Ne do të vijojmë të takohemi jo vetëm me Presidentin e Republikës, ne shprehim gatishmërinë tonë për t’u takuar me të gjitha subjektet politike për ta trajtuar me shumë përgjegjshmëri krizën politike në të cilën ndodhet Shqipëria, me qëllim që të gjejmë, zgjidhjen më të përshtatshme, më të domosdoshme. Prandaj demokracia sociale është e hapur për të zhvilluar takime edhe me PS edhe me të gjitha partitë e tjera politike, gjithmon me mendimin se Shqipërisë në këto momente të vështira i duhet të dëshmojë urtësi, klasës politike, përgjegjshmëri, me qëllim që gjithnjë të mbizotërojë interesi kombëtar, mbi interesat politike të veçanta, të subjekteve politike. Unë në ç’ka po shpreh përfaqësoj partinë Demokracia Sociale. Jam dhe vazhdoj të qëndroj në aleancë tashmë të deklaruar, por kjo nuk do të thotë që unë të mos jem i lirë që të shpreh pikëpamjet e mia në emër të partisë, jo për interesin imediat të partisë që përfaqësoj, por në radhë të parë vëmë interesin kombëtar. Duam që Shqipëria të ketë stabilitet politik, duam që Shqipëria të shmangë çdo lloj përplasje politike, apo edhe sociale, që do të ishte një fatkeqsi tjetër për vendin”,-tha Milo/ Opinion.al E.Xh.

Pas