Pas shkarkimit të Marko Xhampaolos, Milani ka zyrtarizuar trajnerin e ri. Bëhet fjalë për Stefano Piolin i cili më parë ka drejtuar Lacion, Interin dhe Fiorentinën.
Ai ka nënshkruar një kontratë 2 vjeçare me kuqezinjtë, nga e cila do të përfitojë 1.5 milionë euro në sezon, ndërsa në rast se skuadra do të arrijë objektivin Champions, trajneri do të përfitojë në formë bonusi edhe 500 mijë euro.
“AC Milan njofton se ia ka besuar drejtimin teknik të skuadrës së parë zotit Stefano Pioli. I lindur në Parma më 20 tetor 1965, Stefano Pioli e ka nisur karrierën si trajner në vitin 1999. Në vitin 2006 debutoi në Serinë A me në krye të Parmës, më pas ka drejtuar ekipe të tjera si Chievo Verona, Palermo, Bologna, Lazio dhe Inter, para se të merrte drejtimin e Fiorentinën në vitin 2017. Stefano Pioli i bashkohet Milanit me një kontratë dyvjeçare. Klubi i rezervon Piolit dhe bashkëpunëtorëve të tij një mirëseardhje të ngrohtë dhe i uron punë të mbarë”, thuhet në njoftimin e klubit kuqezi.
Kandidatura e Piolit triumfoi ndaj asaj të ish trajnerit të Valencias, Marcelinjo pasi sipas drejtuesve të klubit ai e njeh më mirë futbollin italian.
Megjithatë tifozët e Milanit nuk e kanë pritur mirë emërimin e Piolit pasi sipas tyre ai nuk është në lartësinë e emrit të klubit. Kritika të shumta ata kanë drejtuar edhe ndaj bordit drejtues duke qenë se skuadra ka performuar shumë larg pritshmërive këto shtatë javë të para të kampionatit ku ka arritur të grumbullojë vetëm 9 pikë.
“Jam i përgatitur për këtë aventurë me shumë entuziazëm. Po ashtu, e di mirë që ndodhem në një prej klubeve më të mëdhenj të botës. Jam I bindur se mund të bëjmë një punë të mirë bashkë me klubi, i cili më ka treguar se ka shumë besim tek unë. Tifozët i respektoj, pasi kanë të drejtën e kritikave. Ky për mua një një stimul më shumë”, ishin fjalët e para të Piolit si trajner i Milanit. /Opinion.al
