Politikë

Salianji: Prokuroria ka falsifikuar procesin, Alizoti 4 herë i dënuar


               Publikuar në : 14:10 - 09/10/19 |
Al Do

Ish-deputeti demokrat Ervin Salianji ka akuzuar prokurorinë se ka falsifikuar provat për ekspertim të Agron Xhafajt.

Në një deklaratë për mediat Salianji në hyrje të Gjykatës penale ai tha se Prokuroria nuk ka çuar në Angli mostrat e zërit të marra nga prokuroria po nuk dihet nga janë marrë dhe nuk dihet nëse zëri i marrë është i Geron Xhafajt apo Alfred Alizotit.

“Kemi denoncuar herë pas herë për dosjen Xhafaj. Jemi në situatë të re të provave të reja të dala. Falsifikim i procesit për të çuar para drejtësisë denoncuesit e aferave mafioze, por për të shmangur hetimin për trafik droge të Agron Geron Xhafajt.

Dua t’ju paraqes disa prova të reja më kryesorja është falsifikimi i aks ekspretimit nga ana e prokurorisë të Agron Xhafajt. Prokuroria nuk ka çuar në Angli mostrat e zërit të marra nga prokuroria po nuk dihet nga janë marrë dhe nuk dihet nëse zëri i marrë është i Geron Xhafajt apo Alfred Alizotit” tha Salianji.

Salianji publikoi gjithashtu edhe 4 dënime të tjera të Alfred Alizotit.

“Bëjmë publike për herë të parë 4 dënime të dëshmitarit të rremë të një prej llumit të shoqërisë me të cilin kanë shpëtuar nga dënimi një grup të strukturuar kriminal e mafioz. Afred Alizoti ka 4 dënime për vjedhje me dhunë pengmarrje e raste të tjera. Policia e ka gjetur të stërvitur se ka bërë pikërisht rolin që po bën sot”.

Salianji paralajmëroi se në ditët në vijim PD do të publikojë të dhëna për lidhjen e Agron Xhafajt me drogën e kapur këto ditë në Greqi.

“Mos harroni dhe tonelatën e kapur këto ditë në Greqi dhe lidhjen e punëmarrësit e punëdhënësit me Agron Xhafajn, po për këtë do të kemi ditë tjetër se ka ikur nga vëmendja e medias”./ Opinion.al

Pas