Mjeku pneumolog Arjan Mezini tha se rritja e rasteve me COVID në Shqipëri është më e madhe nga sa ai kishte parashikuar se do të ndodhte pas hapjes. Gjatë një interviste në News 24, Mezini tha se kjo situatë mund të ndryshojë përmes përdorimit të maskës.
“Janë studime të çertifikuara që përdorimi i maskës ndikon nga 60-80 përqind të uljes së infeksionit. Jo më kot vende si Gjermania apo Franca e kanë të detyrueshme”, u shpreh mjeku.
Ndërkohë lidhur me rritjen e numrit të rasteve tek personat në moshë të re, Mezini tha se ai beson që kjo vjen prej faktit, që të rinjtë nuk tregojnë kujdes.
“Për mendimin tim sepse pacientët me patologji apo në moshë ruhen, ndërsa mosha e re e ka kapur lehtë”, u shpreh Mezini./Opinion.al
KOMENTO (0)
