Presidenti Ilir Meta ndodhet sot në një vizitë zyrtare në Vatikan. Ai është pritur nga vetë Ati i Shenjtë Para Françesku në një audiencë.
Lajmin e ka njoftuar vetë kreu i shtetit, përmes një njoftimi në facebook. Ai shkruan se ndihet i lumtur nga audienca e veçantë me Atin e Shenjtë.
“Jam shumë i lumtur dhe i nderuar nga audienca e veçantë sot me Atin e Shenjtë, Papa Françeskun. Mirënjohje ndaj përkujdesjes së Tij të veçantë dhe Selisë së Shenjtë ndaj Shqipërisë, shqiptarëve, vokacionit tonë europian dhe vlerësimit të Tij ndaj lidhjeve të vjetra e personaliteteve që mbajnë fort këto lidhje, Gjergj Kastriot Skënderbeu, Shenjtorja Nënë Tereza, 38 Martirët e Kishës Katolike shqiptare. Interesi dhe vëmendja e tij ndaj modelit e bashkëjetesës paqësore dhe harmonisë fetare në mes shqiptarëve ishin pjesë e bisedës së përzemërt dhe mbresëlënëse me Atin e Shenjtë!”, shkruan Meta.
