Presidenca i është përgjigjur Kryeministrit Rama pas një Tuiteri të tij lidhur me Presidentin Meta.
Rama shprehej se Meta kishte paguar para të zeza për të përhapur në botë shpifje që sterrosin vendin.
Ky qëndrim i kryeministrit erdhi pas një artikulli të publikuar në media, mbi një reagim të ministrisë së Brendshme italiane, që akuzonte Metën dhe ish kryeministrin Sali Berisha, se kishin përdorur Ilir Kullën për të publikuar një lajm të rremë kundrejt kryeministrit Rama, me qëllim nxitjen dhe rrëzimin e qeverisë
“Çfarë shëmtie! Të paguash para të zeza për të përhapur në botë shpifje që sterrosin vendin ku të kanë bërë kryeministër, kryeparlamentar, president! Të blesh pisa të huaj për ta bërë pis atdheun ku shitesh si patriot i përvëluar #PaAtdhe #PaDin #PaIman”, shkroi Rama në tuiter.
LEXO EDHE – Rama akuzon Metën: Të blesh pisa të huaj për ta bërë pis atdheun
Është zëdhënësi i presidentit Tedi Blushi, që përmes një postimi në rrjetin social Facebook, është shprehur se shpifjet dhe lajmet e pavërteta i ka publikuar vetë Rama përmes ish-avokatit të tij në Romë, me qëllim shmangien e vëmendjes ndaj aferave skandaloze.
Postimi i plotë i Blushit
“Fake News”-et që i publikon vetë përmes ish-avokatit në Romë, Profeti i Kokoshkave po i përdor për të shmangur vëmendjen e publikut nga aferat skandaloze të biznesit të ri qindra milion euro të Arbitrazhit Ndërkombëtar, që kërcënojnë seriozisht financat publike dhe taksapaguesit shqiptarë. Shkelja flagrante e Kushtetutës dhe e ligjeve, për të paguar me lekët e taksapaguesve shqiptarë, biznesin e ri kriminal, përbëjnë përgjegjësi të rëndë penale për çdo zyrtar të shtetit shqiptar.
Profeti i Kokoshkave apo Gruaja e Bilalit ia ka marrë dorën pagesave në të zezë, jo vetëm për një foto elektorale, por në çdo sekondë të mbijetesës së tij në karrigen e pushtetit të blerë me banda dhe lekë të zeza prej katër vitesh.
Asnjë formulë dhe marifet nuk e shpëton nga përgjegjësitë e rënda që ka për kriminalizimin e pushtetit dhe bllokimin e integrimit europian.
https://www.facebook.com/blushited/posts/10158692627167760
