Aktualitet

SHBA dhe Shqipëria firmosin memorandumin ekonomik, pjesë edhe Skavica


Bëhu pjesë e Grupit Zyrtar të Opinion.al
>> KËTU <<
               Publikuar në : 11:58 - 03/10/20 |
el ida

Shqipëria dhe SHBA nënshkruajnë në Tiranë një memorandum për bashkëpunimin ekonomik mes dy vendeve.

Sikurse kishte njoftuar kryeministri një ditë më parë, pjesë e kësaj marrëveshjeje është edhe investimi i hidrocentralit të Skavicës, ku shteti amerikan do të financojë dhe në ekspertizë, si dhe perkrahja qe shteti shqiptar ka dhene per rrjetin 5G.

Në një komunikim për gazetarët, Kryeministri Edi Rama dhe Nën Sekretari i Shtetit  për Zhvillimin Ekonomik, Energjinë dhe Mjedisin, Keith Krach, njoftuan nënshkrimin e kësaj marrëveshjeje, të cilën e cilësuan një hap madhor në marrëdhëniet mes dy vendeve.

Rama tha se kjo marrëveshje është një bashkëpunim strategjik për rrjetet digjitale të sigurta, zhvillim të burimeve hidrike dhe përpunimin e gazit, ku të tre këta sektorë janë në interes të përbashkët të të dyja shteteve.

Kryeministri theksoi se  se paraja që vjen për t’u investuar, nuk është një para që vjen nga një vend që nuk hyn nga miqtë tanë më të preferuar e nuk janë aleatë strategjikë.

“Duhet të bëjmë cmos që kjo para të  kthehet në rritje ekonomike, punësim e përfitim reciprok. Memorandumi ofron mundësinë për të patur një udhërrëfyes strategjik. Shqipërisë dhe rajonit i duhet një qasje strategjike për një rrjet të sigurtë në procesin e kalimit në nivele të tjera të digjitalizimit dhe transferimit të të dhënave”, u shpreh Rama duke përmendur edhe një herë letrën e marrë nga Trump duke rikonfirmuar se Shqipëria e sheh rolin e saj në rajon, jo vetëm për paqe por edhe pro aktiv ndaj rrugëve të pastra të teknologjise 5G./Opinion.al

 

Pas