Aktualitet

Meta nga Roma: Pandemia krijoi terren për abuzimin e pushtetit


Bëhu pjesë e Grupit Zyrtar të Opinion.al
>> KËTU <<
               Publikuar në : 18:12 - 01/11/21 |
el ida

Edhe pse në mënyrë indirekte, Presidenti meta ka përcjellë mesazhe kundër qeverisjes së vendit të tij në një konferencë ndërkombëtare, organizuar nga Këshilli i Koorporatës Europiane për Afrikën dhe Lindjen e Mesme.

Ndërsa foli për hendekun në situatën e vaksinimit mes vendeve të pasura dhe atyre të varfra, Meta u ndal edhe tek mënyra se si disa vende menaxhuan pandeminë.

Ai foli për abuzim me pushtetin, kur tha se u vendosën masa drakoniane të pajustifikuara shkencërisht, ndërsa pohoi se shfaqja e e forcës ndonjëherë edhe me praninë e strukturave ushtarake, solli kufizimin e lirsë së qytetarëve.

“Të gjithë e dimë se mungesa e një protokolli të unifikuar standard për kontrollin e pandemisë dhe disa masave të caktuara kontradiktore e jo të bazuara në kërkime thelbësore shkencore, krijuan një terren të përsosur për abuzimin e pushtetit, veçanërisht nga autokratët dhe regjimet e tyre. Shfaqja e panevojshme e forcës, ndonjëherë edhe me praninë e strukturave ushtarake, imponoi pengesa të panevojshme si dhe kufizime të lirisë së qytetarëve. U vendosën masa të pakuptimta ‘drakoniane’, shumë të rrepta e të pajustifikuara shkencërisht. Shtyrja e zgjedhjeve dhe privimi i njerëzve nga e drejta e votës u përfshi dhe zuri vend në axhendën e disa autokratëve në emër të kontrollit të pandemisë.

Këto nuk ndihmuan aspak në drejtim të kontrollit të pandemisë! Përkundrazi, vendet që iu nënshtruan masave të tilla, përjetuan numrin më të madh të të infektuarve dhe të viktimave. Vendet dhe politikanët, të cilët dëgjuan dhe ndoqën me kujdes këshillat e shkencës dhe kërkimit shkencor, ishin shumë më tepër efikasë e më të suksesshëm në kontrollin e pandemisë së koronavirusit.

Qëllimi i autokratëve nuk ishte të kontrollonin në mënyrë efikase pandeminë e koronavirusit, por që të instalonin frikën dhe të shtypnin protestat e shoqërisë civile, të drejtuara kundër shkeljes së të drejtave kushtetuese të imponuara prej tyre”, u shpreh presidenti.

Ai tha ndër të tjera se stoqet e vaksinave në vendet e pasura duhe ttë ndahen me vendet e Afrikës dhe Lindjes së Mesme.

“Stoqet e vaksinave të grumbulluara nga vendet e pasura duhet të dërgohen urgjentisht në vendet në nevojë, veçanërisht në Afrikë dhe në Lindjen e Mesme, sepse sasi të konsiderueshme vaksinash po i afrohen datës së tyre të kadencës”, u shpreh Presidenti Meta./Opinion.al

Pas