Aktualitet

Meta mesazh politikës: Të heqim sa më shpejtë pengesat e integrimit në BE


Bëhu pjesë e Grupit Zyrtar të Opinion.al
>> KËTU <<
               Publikuar në : 13:24 - 31/07/20 |
Al Do

Me rastin e festës së Kurban Bajramit, Presidenti Ilir Meta ka mbledhur sot në selinë e Kryegjyshatës krerët e besimeve fetare në vend. Nga aty, kreu i shtetit dhe jo vetëm urimin e tij për besimtarët por edhe një mesazh të qartë për politikën.

“Urimet më të mira për të gjithë besimtarët, qytetarët tanë, sepse kjo është vetëm një ditë vëllazërimi e solidariteti, por edhe një ditë shumë e rëndësishme, që na fton të bëjmë sakrifica për këtë vëllazërim.

Uroj që edhe politika të mësojë të marrë këtë shembull të frymës së mirëkuptimit, të bashkëpunimit për interesa të qytetarëve, por besoj se populli do udhëhiqet nga kjo harmoni që frymëzojnë këta udhëheqës të nderuar që bëjnë një punë të jashtëzakonshme për të edukuar qytetarët me vlerat hyjnore, njerëzore, qytetare dhe atdhetare”- tha Meta.

Kreu i shtetit nuk ka harruar të kujtojë edhe njëherë objektivin madhor të vendit, integrimin në BE.

“Qëllimi dhe objektivi madhor mbetet anëtarësimi në BE dhe duhet të punojmë për të hequr cdo pengesë sa më shpejt që frenon këtë ëndërr, që të mos na ikin të rinjtë e që ata që kanë ikur të kthehen sic shprehu besimin e tij Papa Francesku në vizitën e tij në Tiranë, që shqiponjat do të kthehen në shtëpinë e tyre”./ Opinion.al

Pas