Presidenti Meta në konferencën e jashtëzakonshme për mediat tha se miratimi i ndryshimeve ligjore të cilat anashkalojnë procesin e betimit të anëtarëve të Gjykatës Kushtetuese është një fyerje për delegacionin e Komisionit të Venecias.
Ligjin e miratuar nga Kuvendi Meta e quajti “Krye-KÇK” dhe”nxitim në panik nga ana e mazhorancës”.
Meta tha se Kuvendi i kërkoi Komisionit të Venecias opinion për ligjin e emërimeve kushtetuese por një orë para takimit me delegacionin Kuvendi miratoi ndryshimet në ligj tha ai
Meta i kërkoi ndjesë Komisionit të Venecias, “që u keqpërdor në këtë mënyrë nga mazhoranca, në funksion të realizimit final të grushtit të shtetit”. Ai theksoi se “nuk do të pranojë instalimin e grushtit të shtetit, kthimin e Gjykatës Kushtetuese në një polici antikushtetuese PPP (polici, parti propagandë).
Meta konfirmoi se do të marrë pjesë vet në komisionin e Venecias në seancë, “ku do t’i njohë të pranishmit, siç tha ai, “me fakte edhe më të rënda se sa këto të përpjekjes për të realizuar një grusht shteti në këtë vend”
“Bazuar në kërkesën e Kuvendit, Komisioni i Venecias se në datat 13-14 shkurt do vinte në Tiranë. kuvendi i Shqipërisë, në mënyrë e pabesë dhe të pamoralshme, disa orë para se të zhvillonte takimin me ta voton në seancë plenare ligjin e emërimeve kushtetuese me ndryshime, e ndryshon në errësirë të plotë, duke i dhënë përgjigje pyetjeve që kishte pyetur komisionin e Venecias. Atentat i mazhorancës ndaj kushtetutës, me qëllim kontrollin e Kushtetutës. Kjo nuk do të pranohet kurrë nga Presidenti i Republikës. I kërkoj ndjesë komisionit të Venecias që u keqpërdor nga mazhoranca, në funksion për të mbuluar grushtin e shtetit. Nuk do të lejojmë grushtin e shtetit, në një polici anti-kushtetuese të shtetit, P-P-P, do të marrë pjesë në seancë plenare të Komisionit të Venecias ku do të njohë të gjithë të pranishmit me fakte edhe më të rënda se këto të përpjekjes për të realizuar një grusht shtetit”, tha Meta. /Opinion.al
