Kryesore

Meta: Kemi një problem të madh, nuk po gjejmë dot aktin me të cilin…


               Publikuar në : 13:13 - 19/02/20 |
Al Do

Pasi paraqiti ato që i cilësoi prova të reja të “grushtit të shtetit”, Presidenti Meta u ndal dhe tek çështja e shpalljes së Arta Vorpsit anëtare të Gjykatës Kushtetuese për të cilën Kuvendi i është drejtuar edhe Komisionit të Venecias.

Ai tha se Qendra e Botimeve Zyrtare nuk i ka vënë në dispozicion sipas afateve të përcaktuara aktin me të cilin është realizuar botimi në fletoren zyrtare të shpalljes në emër të KED të Arta Vorpsit anëtare të Gjykatës Kushtetuese. Madje ai shtoi se ky akt nuk i është vënë në dispozicion as Komisionit të Venecias.

“Kemi një problem të madh nuk po gjejmë dot aktin me të cilin është kërkuar dhe realizuar botimi në fletoren zyrtare i gjoja shpalljes në emër të KED Arta Vorpsit anëtare Kushtetuese. Akt me të cilin Kuvendi e konsideroi të zgjedhur dhe vijoi punët e mbrapshta. Ky është shqetësim, pasi parlamenti ka thirrur komisionin e Venecias dhe as ata nuk e kishin gjetur dhe ne nuk e kemi zyrtarisht pasi duhet të jemi seriozë me komisionin e Venecias. Prandaj i kam kërkuar para 48 orëve, ka skaduar afati, QKZ dhe i është drejtuar me këtë mënyrë “Datë 9 nëntor rezulton të jetë botuar vendimi. Presidenti kërkon menjëherë dërgimin e të dhënave mbi mënyrën e administrimit të kërkesës zyrtare për betimin të vendimit për KED, shoqëruar me praktikën dhe botimit të aktit. Në mos përgjigje, personat përgjegjës do të mbajnë përgjegjësi. Për informacionet që kërkon Presidenti institucionet duhet të përgjigjen menjëherë. Na duhet akti që Komisioni i Venecias të jetë edhe më i ndriçuar pas takimit me anëtarët e KED-së së vjetër” tha Meta.

Presidenti njoftoi gjithashtu datën kur ai do të mbajë një tubim në Bulevardin Dëshmorët e Kombit ku siç tha ai do të firmosë dekretin e parë për shpartallimin e grushtit të shtetit. /Opinion.al

LEXO EDHE – Meta njofton datën e tubimit në Bulevard, ka një përgjigje për Ramën

Pas