Politikë

Meta ironi me Ramën: I jap dekoratë nëse… Bashës e Monikës, jo!


               Publikuar në : 18:37 - 11/09/19 |
geliano fataj

Ilir Meta e mbylli konferencën e tij me batuta, në drejtim të kryeministrit Edi Rama. Pasi theksoi se nuk ka shanse të dalë nga zyra e Presidentit para 24 korrikut 2022, datë kur i mbaron mandati, Meta me ironi iu përgjigj pyetjes së gazetarëve nëse ishte xheloz për kryeministrin.

“Që unë të bëhem xheloz për Edi Ramën, këtë se pranon as Edi Rama. Ju i dini kontributet e mia për Edi edhe për situatën aktuale mua më vjen keq sepse gjithmonë i kam thënë: Orë më dëgjo mua, se kur më dëgjon mua të ka dalë mirë kjo gjë. Madje dhe disa diplomatëve, se nuk po ua u përmend emrat: Ore mos ma merrni në qafë Edin ju! Se i krijoni Idenë që e ka mirë Edi dhe pas Edi gabon. E pastaj e pëson edhe Shqipëria, jo vetëm Edi. Po unë të jem xheloz? Unë i jap dekoratë Edit në datë 18 tetor vetëm ai të marrë datën e çeljes së negociatave. Ai le të mos e pranoj. Siç u dha ai dekorata ambasadorëve që çelën negociatat vjet e parvjet, unë do t’ja jap dekoratën ai le të mos e pranoj. Madje do t;i jap urdhrin e Skënderbeut”, tha Meta.

Po me ironi Meta tha më tej: Zotit Basha nuk i jap dekoratë se ai ka braktisur institucionet. As Monikës se i ka dhënë besën Lulit./ Opinion.al

Pas