Aktualitet

Meta bashkëpunëtori i Sigurimit të Shtetit? Reagon Autoriteti i Dosjeve



Bëhu pjesë e Grupit Zyrtar të Opinion.al
>> KËTU <<
               Publikuar në : 19:11 - 27/07/22 |
Opi Nion

Prej dy ditësh politika është përfshirë në debate dhe akuza, pas zbulimit të inicualeve I.M. në një nga dosjet ku janë përfshirë personat që kanë bashkëpunuar me Sigurimin e Shtetit.

Nisur nga inicialet dhe informacionet që qarkulluan në media, u aludua se personi që ka bashkëpunuar me Sigurimin e Shtetit është ish- presidenti Ilir Meta.

Ky i fundit në një dalje për mediat, sulmoi kryeministrin Edi Rama, Autoritetin e Dosjeve, kryeparlamentaren, Lindita Nikolla dhe Parlamentin shqiptar, ndërsa mohoi përfshirjen e tij te Sigurimi i Shtetit.

Ndërkohë, në reagimin e Autoritetit për Informim mbi Dokumentet e ish-Sigurimit të Shtetit theksohet se ky institucion doli me njoftim zyrtar më 26 korrik, mbi problematikat në verifikimin e pastërtisë së figurës së zyrtarëve, funksionarëve të lartë publikë dhe të zgjedhurve qendrorë e vendorë, informacione që iu përcollën, me propozimet përkatëse, Kuvendit të Shqipërisë.

Gjatë kësaj kohe, kanë qarkulluar shumë interpretime mbi informacionin e përcjellë nga institucioni. Autoriteti përgënjeshtron lajmet që referojnë vendime dhe dosje të shtetasve të ndryshëm, pjesë e punës së përditshme, të publikuara rregullisht në faqen zyrtare.

Institucioni fton të gjithë të interesuarit të ndjekin rrugën ligjore për informim. Të drejtën e informimit për dosje të ish-Sigurimit të Shtetit mund ta ushtrojë çdo palë e prekur apo e përmendur. Autoriteti verifikon me përgjegjësi profesionale çdo pretendim mbi materiale të referuara apo kërkuara. Aktualisht, institucioni po trajton për përgjigje kërkesat për informim mbi njoftimin e datës 26 korrik.

Autoriteti nuk ndikohet në ushtrimin e veprimtarisë së tij për informim dhe vijon punën, bazuar në ligjshmëri, transparencë, mbrojtje të së drejtës për jetë private dhe të dhënave personale, mbrojtje të të dhënave që përbëjnë informacion të klasifikuar dhe bashkëpunim mes institucioneve shtetërore.

Institucioni është në pritje të ndryshimeve ligjore të propozuara, për të kryer kërkimet dhe verifikimet përkatëse për rastet, që do të marrin kohën e tyre të trajtimit. Rastet e referuara Kuvendit nuk janë objekt verifikimi, për shkak të pengesës ligjore të cituar më herët.

Pas