Aktualitet

Mesazh i fortë i Metës: Tradhëtarët dhe gjakprishurit nuk do t’ia dalin…


Bëhu pjesë e Grupit Zyrtar të Opinion.al
>> KËTU <<
               Publikuar në : 10:12 - 11/10/20 |
Al Do

Presidenti, Ilir Meta ka lëshuar mesazh të fortë sot, pas disa ditëve replika me kryeministrin Edi Rama.

Në një postim në “Facebook”, presidenti bën me dije se ka vizituar Shkodrën dhe është ndalur në monumentin e “5 Heronjëve të Vigut”.

Duke marrë shkasë nga vepra e heronjve kombëtarë, presidenti shkuan se “Tradhëtarët dhe gjakprishurit kurrë nuk do t’ia dalin të cënojnë dinjitetin dhe veprën e Heronjve dhe Dëshmorëve të Kombit që ndriçon rrugën tonë drejt së ardhmes së sigurt europiane.”.

Gjatë ditëve të fundit, presidenti ka akuzuar disa herë kryeministrin Rama se po punon kundër interesave kombëtare të Shqipërisë, duke vënë theksin kryesor tek emigrimi dhe kriza ekonomike.

Sa herë e vizitoj Shkodrën, nuk mund të mos ndalem tek monumenti i “5 Heronjve të Vigut” për t’u përulur me respekt e nderim të thellë para jetës e veprës së bijve më të shquar të saj, të Lezhës dhe Mirditës, të cilët dhanë jetën për Çlirimin e Atdheut.

Populli i Shkodrës dhe populli shqiptar nuk do t’i harrojë kurrë bijat dhe bijtë e saj më të mirë, të cilët sakrifikuan gjithçka për Shqipërinë e lirë, sovrane dhe demokratike.

Tradhëtarët dhe gjakprishurit kurrë nuk do t’ia dalin të cënojnë dinjitetin dhe veprën e Heronjve dhe Dëshmorëve të Kombit që ndriçon rrugën tonë drejt së ardhmes së sigurt europiane.

I paharruar dhe i përjetshëm kujtimi i 5 Heronjve të Vigut dhe i të gjithë Dëshmorëve të Atdheut!”, shkruan presidenti Meta në “Facebook”. /Opinion.al

Pas