Trajneri i Kombëtares së Kosovës, nuk ndihet aspak rehat, kur shikon sipas tij që vëllau i madh, në këtë rast Shqipëria, I merr lojtarët më të mirë për të formuar Kombëtaren e saj. Këtë gjë Bunjaku e ka deklaruar edhe sot, në konferencën për shtyp ku duke përmendur shembullin e Albion Avdiajt, të cilin Bunjaku tha se Shqipëria ia ka marrë pa leje, tha se:“Nuk është mirë që kur njëri vëlla ndërton shtëpinë (Shqipëria) t’i marrë gurë prej themelit vëllait tjetër (Kosovës) i cili po mendon të ndërtojë shtëpinë e tij”. Më tej Bunjaku shton: “Ne kemi lojtarë mjaftueshëm që të ndërtojmë dy Kombëtare. Ne kemi përkrahur deri më tani Shqipërinë, por ka ardhur koha që ne të ndërtojmë skuadrën tonë”
