Është përfshirë nga flakët stacioni i pompimit të naftës në “Qafën e Kashit”. Policia bën me dije se ngjarja ka ndodhur gjatë procesit të punës, në tubacionin e furnizimit, ndërsa sqaron se ka marrë flakë në sipërfaqe një depo e dekantimit të naftës.
Si pasoje e ngjarjes mësohet se është lënduar Viktor Balla, punonjës, i cili ndodhet në spitalin e Fieritnën kujdesin e mjekëve. Gjendja shëndetësore e tij paraqitet e stabilizuar.
“Sot rreth orës 07:30, në vendin e quajtur “Qafa e Kashit”, në një firmë private nafte, gjatë procesit të punës, në tubacionin e furnizimit ka marë flakë në sipërfaqe një depo e dekantimit të naftës. Për pasojë ka marë djegie sipërfaqësore një punëtor i kësaj kompanie, shtetasi V. B., rreth 50 vjeç, i cili ndodhet në spital nën kujdesin e mjekëve”, njofton policia.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes./Opinion.al
