Bota

Merkel e zemëruar, planifikon mbyllje të re në të gjithë vendin


Bëhu pjesë e Grupit Zyrtar të Opinion.al
>> KËTU <<
               Publikuar në : 09:18 - 03/04/21 |
Opi Nion

Kancelarja gjermane Angela Merkel duket e pakënaqur nga masat e vonuara të drejtuesve të landeve kundër Covid 19. Për këtë arsye sipas një artikulli të botuar në orët e para të këtij mëngjesi në edicionin online të gazetës Bild, kancelarja tani po konsideron vendosjen e një “mbylljeje federale”, pasi masat aktuale për të kufizuar pandeminë e koronavirusit nuk janë thjesht për të ndaluar valën e tretë, por për të parandaluar mbingarkesën e sistemit shëndetësor.

Në një intervistë televizive të Dielën e kaluar, Merkel tha se ajo “nuk do të mbetet një spektatore” dhe se do të ndërhyjë nëse drejtuesit e landeve këmbëngulin të mos përdorin “frenën e emergjencës” në një kohë kur ka një rritje të madhe të numrit të rasteve. Përkundrazi ata  po planifikojnë një lehtësim të pjesshëm të kufizimeve ose “plane pilot të hapjes”.

Deklarata i referohej – ndër të tjera – Kryeministrit të Saarland, Tobias Hans (CDU), i cili pas Pashkëve planifikon të hapë teatro, kinema, palestra dhe zona ngrënieje në natyrë, ndërsa përdor teste masive. Në lande të tjera, të tilla si Mecklenburg-Pomerania, edhe pse shkalla e rasteve të reja për 100,000 banorë në shtatë ditë tejkaloi kufirin e 100, asnjë veprim nuk është planifikuar. Në vend të kufizimeve ka një vendim për të rihapur kopshtet zoologjike, muzetë, autoshkollat ​​dhe dyqanet. Situata është e ngjashme në Saksoninë-Anhalt, në Shlesvig-Holshtajn, por edhe në Berlin, ku dyqanet me pakicë u hapën të Mërkurën e Shenjtë.

Sipas rrjetit RND, kancelarja mund të marrë përgjegjësi dhe të vendosë jo vetëm kushte, por edhe kohëzgjatje e detaje të bllokimit pa konsultim paraprak me drejtuesit e landeve, bazuar në një dispozitë të Kushtetutës që lejon qeverinë të nxjerrë ligje në raste të rrezikut publik ose epidemisë./Opinion.al

 

Pas