Aktualitet

Mediu propozon 2 opsione për zgjedhjen e kandidatëve të opozitës për zgjedhjet e 2023



Bëhu pjesë e Grupit Zyrtar të Opinion.al
>> KËTU <<
               Publikuar në : 15:43 - 29/09/22 |
Opi Nion

Kryetari i Partisë Republikane, Fatmir Mediu ka propozuar dy mënyra për të zgjedhur kandidatët e përbashkët të opozitës për të garuar në zgjedhjet lokale të vitit 2023.

Sipas tij primaret duhet të jenë të hapura edhe për subjektet e tjera politike në opozitë ose kandidatët të zgjidhen nëpërmjet sondazheve të qytetarëve.

“Këto primare nuk mund të jenë brenda një subjekti politik, sepse duke qenë brenda një subjekti politik shmangin domethënë mbi 99% mundësin e pjesëmarrjes si nga shoqëria civile në këtë garë apo të partive të tjera që duhet të ndërtohet koalicioni. Prandaj, ideja e primareve të hapura ku qytetarët votojnë se kush është kandidati më i mirë është mendoj gjëja më e mirë. Po ashtu një alternativë tjetër është një sondazh me institucione kredibël që të bëj një sondazh me kandidaturat e propozuar si nga subjektet e opozitës, por edhe nga shoqëria civile të cilat në fund të fundit një sondazh i ofruar të qytetarët sipas fokus-grupeve të caktuara të thonë se kush është kandidati më i mirë dhe i bashkangjitemi këtij kandidati”,është shprehur Mediu.

Ndër të tjera Mediu u shpreh se nësë opozita nuk ka një kandidat të përbashkët nuk do të ketë asnjë marrëdhënie brenda aleancës.

“Nuk po flasim se po bashkohem me Sali Berishën apo bashkohem me Enkelejd Alibeaj apo të bashkohem me Ilir Metën a Fatmir Mediun. Në qoftë se nuk ka kandidat të përbashkët nuk më intereson asnjë lloj marrëdhënie brenda aleancës që kemi për ndryshim në qoftë se nuk duan kandidat të përbashkët”, tha Mediu./Opinion.al

 

Pas