Kreu i Partisë Republikane, Fatmir Mediu në mbledhjen e sotme të Konferencës së Kryetarëve, për përcaktimin e datës për raundin e dytë të procesit për zgjedhjen e presidentit tha se kolegët e opozitës duhet të bien dakord ose të sjellin emrin e një kandidati për president, ose të vendosin ndërprerjen e pjesëmarrjes në këtë proces.
Mediu theksoi se në raundet që vijnë nuk duhet të bëjmë seanca bosh pa kuptim por seanca me negocime konkrete me kandidatura të propozuara nga deputetë të opozitës në mënyrë që ti tregojmë qytetarëve që duam president të qëndrojë mbi palët.
“Mendoj që në raundet që vijnë domosdoshmërisht jo të bëjmë seanca bosh pa kuptim se zhvlerësojmë parlamentin, por seanca me negocime konkrete me kandidatura të negociuara por në rastin më të keq me kandidatura të propozuara nga deputetë të opozitës në mënyrë që ti tregojmë qytetarëve që duam president të qëndrojë mbi palët e sjell një qasje të re në sjellje veprim në institucionin e presidentit, zhvillimet politike e zhvillimet ndërkombëtare.
Nëse do vijojmë pafund diskutime e do shkojë në seanca bosh pa kandidat të paktën personalisht por besoj dhe opozita duhet të mos bëhemi pjesa e një procesi fasadë e farsë që të presim të vijë raundi i 4 re 5 të veprohet me mazhorancë të thjeshtë.
O do mbajmë qëndrim për të shkuar me kandidat ose duhet të vendosim ndërprerjen e pjesëmarrjes në këtë proces”-tha Mediu.
