Prokuroria italiane ka vënë nën hetim guvernatorin e Sardenjës Christian Solinas, konsulentin e tij Christian Stevelli, menaxherin Roberto Raimondi dhe sipërmarrësin Roberto Zedda, të cilët akuzohen për korrupsion dhe pastrim parash.
Por emri i guvernatorit përmendet edhe në një çështje tjetër që lidhet me Shqipërinë. Sipas mediave italiane, Fakulteti i Mjekësisë në Tiranë e ka pajisur atë me titullin ‘Honoris Causa’, në kushte të çuditshme, me kushtin për të emëruar në një pozicion pune Roberto Rajmondin, në autoritetin që merret me energjinë në Itali.
Sakaq, sipas Ansa.it prokurori i Cagliarit është gati të fluturojë drejt Tiranës me një letër porosi për të sqaruar gradën e nderit të guvernatorit, në këmbim të emërimit të Rajmondit në Menaxhimin e përgjithshëm të Eni Cbc Basin i Mesdheut.
Ndërkaq, lidhur me këtë lajm që është raportuar gjërësisht në mediat italiane, ka reaguar Rektori i Universitetit të Mjekësisë, Arben Gjata.
Në një status në “Facebook”, ai thotë se Guvernatori i Sardenjës Christian Solinas, nuk ka marrë asnjë ritull nderi prej Universitetit të Mjekësisë.
“Në lidhje me lajmet e publikuara qe Presidenti i Sardenjes ka marrë tituj akademikë nga Universiteti i Mjekesisë Tiranë, deklaroj në pozicionin e Rektorit se Zoti Solinas nuk ka qenë kurrë staf akademik pranë ketij institucioni dhe nuk ka marrë asnjë titull nderi prej Universitetit të Mjekësisë”, shkruan Gjata në Facebook.
