Media greke, SLpress.GR, i ka kushtuar një artikull të veçantë, programit të së enjtes në “Opinion”, ku ish-kryeministri Sali Berisha, deklaroi se Turqia ka ndikuar në vendimin e anulimit të marrëveshjes së vitit 2009, mes Shqipërisë dhe Greqisë për detin.
Pas njoftimit të Kyriakos Mitsotakis për shtrirjen e ujërave territoriale të Greqisë nga 6 në 12 milje detare në Detin Jon, gazetari i mirënjohur shqiptar, Blendi Fevziu, i kushtoi emisionin e tij televiziv të 10 shtatorit 2020, përmbledhjes së këtij njoftimi zyrtar. Gazetari përdori titullin “A ka ndonjë marrëveshje për detin midis Shqipërisë dhe Greqisë?”. Dy ishin pikat më interesante të emisionit.
Fillimisht, lidhja e drejtpërdrejtë e kryeministrit Edi Rama, i cili, me stilin e tij të njohur snobist dhe lozonjar, argumentoi pak a shumë se programi nuk kishte kuptim sepse nuk kishte absolutisht asnjë marrëveshje me Greqinë dhe se nuk ishte një përparësi e menjëhershme e tij e qeverisë së tij zgjidhja e çështjes së detit.
Në këtë pikë ai debatoi me diplomatin e njohur shqiptar Agim Nesho i cili e akuzoi atë se politika e jashtme e ndjekur nga qeveria shqiptare në drejtimin e tij është plotësisht e shfrenuar dhe qëndrimi i tij provokues, hipokrit: Megjithëse duket se po promovon idenë e integrimit evropian, në thelb, e ka vendosur vendin pa kushte në ballë të neo-Osmanizmit të Erdoganit.
Rama u përgjigj se ishte një nder personal për të që të tregojë besimin e treguar nga Erdogan tek ai dhe e konsideroi si arritjen më të lartë të qeverisë së tij, faktin që ai arriti ta kthente vendin e tij në një aleat strategjik të Turqisë. Ai theksoi gjithashtu se marrëveshja e mëparshme Karamanli-Berisha ishte një tradhti ndaj vendit të tij dhe ishte anuluar me të drejtë nga Gjykata Kushtetuese e Shqipërisë.
Në pjesën e dytë të shfaqjes, ish-Kryeministri Sali Berisha ndërhyri dhe mbrojti marrëveshjen e vitit 2009. Pastaj, në një lëvizje të paprecedentë, gazetari i respektuar, e pyet zyrtarisht dhe drejtpërdrejt i Berishën: “A besoni se Turqia ndikoi në vendimin e anulimit të Gjykatës Kushtetuese të vendit tonë?” Përgjigja e ish-kryeministrit shqiptar ishte po aq çarmatosëse: “Absolutisht. Nuk ka dyshim. Njëqind përqind”.
LEXO EDHE: Deti me Greqinë/ Berisha: Pashaj falsifikoi hartat,ndërhyri politika turke
