InstaBIZ

Më shumë “like” se çdo postim, njoftimi i vdekjes së aktorit thyen rekord


Bëhu pjesë e Grupit Zyrtar të Opinion.al
>> KËTU <<
               Publikuar në : 09:21 - 31/08/20 |
el ida

Aktori Chadwick Boseman, vijon të thyejë rekorde edhe pas vdekjes.

Twitter njoftoi se njoftimi për vdekjen e “Black Panther, i cili ndërroi jetë në 28 gusht pas një lufte të gjatë me kancerin, është bërë postimi me më shumë “like” në histori. Ky postim ka marrë 6,8 milionë “like” dhe 3 milionë “retweet”.

43-vjeçari, kishte 4 vite që luftonte ma kancerin në zorrën e trashë, por gjatë kësaj kohe vazhdoi të xhironte filma dhe askush përveç rrethit të tij të ngushtë nuk e dinte problemin shëndetësor të tij.

Familja e tij, tregoi se shumë filma të Boseman u xhiruan teksa ai bënte operacione dhe kimioterapi.

“Me hidhërim të thellë konfirmojmë vdekjen e Chadwick Boseman. Chadwick u diagnostikua me kancer në zorrën e trashë në vitin 2016 dhe ka luftuar gjatë këtyre 4 viteve me sëmundjen. Një luftëtar i vërtetë, që duroi shumë dhe solli për ju filmat që i doni aq shumë. Filma si “Marshall”, “Da 5 Bloods” and “Ma Rainey’s Black Bottom” janë xhiruar ndërkohë që bënte operacione dhe kimioterapi”, thuhet në komunikatën e familjes së aktorit.

Boseman ishte i martuar, por nuk kishte fëmijë. Ai u bë i famshëm me rolin e Mbretit T’Challa në filmin “Pantera e Zezë”, në vitin 2018.

Këtë rol e interpretoi edhe në 3 filma të tjerë: “Captain America: Civil War”, “Avengers: Infinity War” dhe “Avengers: Endgame”./Opinion.al

Pas