Dhjetë ditë para premierës së Speedtail, McLaren dha detaje të reja për këtë makinë.
Ka gati dy vjet që prodhuesi britanik njoftoi një projekt që mban emrin e markës BP23. Entuziastët e makinave prisnin me padurim gjatë gjithë kësaj kohe për të parë modelin që McLaren pretendon të jetë makina më e shpejtë në historinë e kompanisë.
Pritja do të përfundojë më 26 tetor, kur do të jetë premiera e McLaren Speedtail.
Speedtail është konceptuar si një model “hiper GT”, i cili kombinon shpejtësinë dhe rehatinë. Është njoftuar se kjo makinë do të jetë në gjendje të arrijë shpejtësi mbi 390 km/h.
Vetëm 106 McLaren Speedtail janë prodhuar dhe të gjithë janë shitur para premierës zyrtare me një çmim prej rreth 2 milionë euro për kopje.
McLaren njoftoi se secila prej 106 veturave do të personalizohet sipas kërkesës së klientit në Departamentin e Operacioneve Speciale, kështu që praktikisht nuk do të ketë dy makina plotësisht identike në botë.
Speedtail do të mundësohet nga një motor twin-turbo 4.0 V8, i cili është në McLaren 720S, dhe makina do të ketë të paktën një motor elektrik ndihmës. Fuqia e përgjithshme e këtij sistemi shtytës hibrid nuk dihet, por njoftohet se do të arrijë mbi 1,000 kuaj fuqi.
Makina do të jetë në gjendje të përshpejtojë nga 0-100 km në orë për 2 sekonda, që është për 0.5 sekonda më i shpejtë se Bugatti Chiron.
