Aktualitet

Mbyllet rruga e Durrësit, si do të kufizohet lëvizja për automjetet


Bëhu pjesë e Grupit Zyrtar të Opinion.al
>> KËTU <<
               Publikuar në : 16:10 - 13/11/20 |
Opi Nion

Rruga e Durrësit do të mbyllet sërish këtë fundjavë. Duke nisur nga ora 22:00 e së premtes, 13 nëntor, e deri në orën 06:00 të së hënës, 16 nëntor, qarkullimi në këtë rrugë do të jetë i kufizuar.

Bashkia e Tiranës bën me dije se do të kufizohet lëvizja, për shkak të punimeve për zbatimin e fazës së fundit të projektit, që parashikon shtresën e fundit asfaltike dhe sinjalistikën.

“Për këtë qëllim, do të kufizohet qarkullimi në rrugën e “Durrësit”, nga sheshi “Skënderbej” deri në sheshin “Karl Topia”, dhe në rrugën “Mine Peza”, nga ish-Kafe Flora deri në rrugën “Fortuzi”,- sqaron Bashkia.

Ndërkaq, është parashikuar që linjat e transportit publik që qarkullojnë me drejtim Qendër-rruga “Dritan Hoxha”, do të devijohen për në rrugën e “Kavajës”, “Muhamet Gjollesha”, Sheshi “Karl Topia’. Kurse, drejtimi rruga “Dritan Hoxha” për në qendër, do të vazhdojë itinerari i përcaktuar nga rruga “Teodor Keko”, dhe rruga e “Kavajës”.

Lejohet të qarkullojnë vetëm  mjetet e Emergjencave Civile dhe Policisë së Shtetit gjatë fazës ndërtimore./Opinion.al

Pas