Ka përfunduar procesi i rinumërimit në Komisionin e Ankimimeve dhe Sanksioneve për 108 e kutitë qarkun e Durrësit. Në përfundim të procesit, LSI nuk mundi që të siguronte një mandat në këtë qark.
Nga rihapja e kutive, Partia Socialiste ka humbur 26 vota, Partia Demokratike 38 ndërsa Lëvizja Socialiste për Integrim, ka humbur vetëm një votë.
Më herët, me kërkesë po të LSI-së, u hapën 114 kuti në qarkun e Beratit dhe ajo që u vu re ishte se nga rreth 35 mijë fletë votimi të numëruara për herë të dytë, LSI rikuperoi gjithsej me 15 vota, nga 77 që i duheshin për t’i marrë mandatin Partisë Socialiste.
