Sociale

Mbi 700 KW në muaj, 57 mijë familje do preken nga rritja e çmimit të energjisë  


Bëhu pjesë e Grupit Zyrtar të Opinion.al
>> KËTU <<
               Publikuar në : 19:59 - 01/05/22 |
Opi Nion

Afro 57 mijë familje shqiptare rrezikojnë të preken nga rritja e energjisë elektrike, pasi konsumojnë mbi 700 KW gjatë një muaji. E thënë ndryshe afro 6.74 % e abonentëve kalojnë fashën e konsumit mbi 700 KW në muaj.

Sipas një studimi të Ministrisë  së Energjetikës, nga 1,092,547 abonentë që janë në total në Shqipëri, 252,567 abonentë kanë konsum “zero” të energjisë.  Konsumatorë aktivë të energjisë elektrike në vend janë 839 980 familje.

Prej disa javësh qeveria ka bërë publike planin për rritjen e çmimit të energjisë elektrike përmes tarifimit me 2 fasha të energjisë. Për të gjithë ato familje që nuk e kalojnë fashën mbi 700 KË/h energjia do të vijojë të tarifohet me 9.5 lekë/KWh, ndërsa çdo kilovat i konsumuar mbi këtë fashë do të faturohet me çmimet e tregut, që janë rreth 3.5 herë më të larta.

Ende nuk dihet se kur do të hyjë në fuqi skema e re  e llogaritjes së fashave të energjisë. Qeveria ka miratuar vendimin për zgjatjen e periudhës së emergjencës energjetike.

Sipas këtij vendimi gjendja e emergjencës në furnizimin me energji elektrike i shtrin efektet deri më 31 Dhjetor 2022. Kjo i jep mundësi qeverisë që të ndërhyjë qoftë me instrumente financiare, qoftë edhe me instrumente të natyrës administrative për menaxhimin e situatës së energjetike në vend.

Tv Klan

Pas