Bota

Mbi 200 mijë fëmijë të abuzuar seksualisht nga klerikët katolikë në Francë


Bëhu pjesë e Grupit Zyrtar të Opinion.al
>> KËTU <<
               Publikuar në : 14:28 - 05/10/21 |
Opi Nion

Rreth 216,000 fëmijë, kryesisht djem, janë abuzuar seksualisht nga klerikët në Kishën Katolike Franceze që prej vitit 1950, thuhet në një raport të publikuar të martën.

Sipas BBC, kreu i hetimit tha se kishte të paktën 2,900-3,200 persona kanë abuzuar me të mitur teksa akuzoi Kishën se po tregonte një “indiferencë mizore ndaj viktimave”.

Një figurë e lartë në Kishën Franceze shprehu “turp dhe tmerr” për gjetjet dhe kërkoi falje.

Njëri prej të abuzuarve tha se ishte koha që Kisha të rivlerësonte veprimet e saj.

François Devaux, i cili është gjithashtu themeluesi i shoqatës së viktimave “La Parole Libérée” tha se kishte pasur një “tradhti ndaj besimit, tradhti ndaj moralit, tradhti ndaj fëmijëve”.

Hetimi zbuloi se numri i fëmijëve të abuzuar në Francë mund të rritet në 330,000 nëse merren parasysh abuzimet e kryera nga anëtarët laikë të Kishës, siç janë mësuesit në shkollat ​​katolike.

Publikimi i raportit vjen pas një numri pretendimesh abuzimi dhe ndjekjesh penale kundër zyrtarëve të Kishës Katolike në të gjithë botën.

Hetimi i pavarur u urdhërua nga Kisha Katolike Franceze në vitin 2018. Ai kaloi më shumë se dy vjet e gjysmë duke kontrolluar të dhënat e gjykatës, policisë dhe Kishës dhe duke folur me viktimat dhe dëshmitarët.

Shumica e rasteve të vlerësuara nga hetimi mendohet se janë shumë të vjetra për t’u ndjekur penalisht sipas ligjit francez./Opinion.al

Pas