Aktualitet

Mbeten barrikada në Jarinjë dhe Bërnjak,qeveria e Kosovës shtyn aplikimin e vendimit



Bëhu pjesë e Grupit Zyrtar të Opinion.al
>> KËTU <<
               Publikuar në : 08:30 - 01/08/22 |
Opi Nion

Qeveria e Kosovës ka vendosur të shtyjë për më 1 shtator 2022, aplikimin e dy vendimeve të datës 29 qershor lidhur me reciprocitetin targave dhe dokumentave me Serbinë.
Ky vendim vjen pas kërkesës së Bashkimit Evropian të mbështetur nga Shtetet e Bashkuara të Amerikës, pas tensioneve në veri dhe bllokimit të pikave të kalimit kufitar në Bërnjak dhe Jarinjë.

“Falenderojmë partnerët ndërkombëtarë, në veçanti ambasadorin amerikan Jeffrey Hovenier, për angazhimin dhe kontributin”, njoftoi Qeveria e Kosovës përmes një publikimi në Facebook.

Edhe Kryeministri Kurti reagoi lidhur me këtë vendim, ndërsa tha se ishte një vendim që u mor mnë bashëkpunim me aleatët.

“Në bashkëpunim me aleatët tanë ndërkombëtar, ne u zotuam të shtyjmë implementimin e vendimeve për targat dhe dokumentet për hyrje/dalje në pikat kufitare me Serbinë për 30 ditë”, shkroi Kurti.
Kjo, siç tha kryeministri, “

me kusht që të hiqen të gjitha barrikadat dhe të rikthehet liria e plotë e lëvizjes”.
Kujtojmë se deri këtë mëngjes, pikat e kalimit në Jarinjë dhe Bërnjak vijojnë të mbeten të bllokuara me barrikada të vendosura nga serbët lokalë./Opinion.al

Pas