Kanë mbërritur në Republikën e Shqipërisë votat e para të diasporës.
Sipas Klan News, mësohet se votat e mbërritura janë duke u procesuar nga sistemi postar dhe ende nuk kanë mbërritur në Parkun Olimpik.
Votat pritet të mbërrijën në Parkun Olimpik rreth orës 19 të pasdites së sotme.
Ndërkohë numri i emigrantëve që e kanë dhënë votën deri tani janë 111, të paktën kështu ka deklaruar komisioneri Ilirjan Celibashi, numër që është rritur në orët në vijim, por pritet të konfirmohet nga kompania DHL e cila është duke u marrë me këtë proces.
Bëhet e ditur se janë rreth 9000 emigrantë që e kanë marrë në dorëzim fletën e votimit dhe që janë rreth 100 mijë fletë të vulosura dhe që janë dërguar në shtetet përkatëse nga qarqe të ndryshme, pasi ende nuk ka përfunduar procesi dhe që pritet të merren në dorëzim nga emigrantët shqiptarë.
Votuesit nga jashtë do kenë 3 ditë afat për të plotësuar fletën e votimit, e më pas për ta dorëzuar në postë. Qytetarët që votojnë nga jashtë Shqipërie nuk do të bëjnë asnjë pagesë, pasi si në dërgimin e fletës së votimit dhe në kthimin e saj gjithçka do të paguhet nga KQZ.
Shpërndarja e fletëve të votimit do të bëhet në 85 shtete të botës. Çdo zarf që vjen pas orës 19:00 të datës 11 Maj, nuk do të numërohet./tvklan
