Aktualitet

“Maskat me detyrim nga e enjtja”/Manastirliu e nis javën me rregullin e ri


Bëhu pjesë e Grupit Zyrtar të Opinion.al
>> KËTU <<
               Publikuar në : 09:17 - 12/10/20 |
Al Do

Ndonëse qeveria ka njoftuar që mbajtja e maskës do të jetë e detyrueshme nga dita e enjte, ministrja e Shëndetësisë, Ogerta Manastirliu ka nisur të zbatojë rregullin e ri që nga dita e sotme.

Në një video të publikuar në rrjetet sociale, ministrja thotë se ka vendosur maskën teksa është nisur në këmbë për të shkuar në punë. Ajo shprehet se maska duhet bërë pjesë e gardërobës dhe zakon i përhershëm duke rikujtuar që nga e enjtja kjo do të jetë detyrim për të gjithë.

Manastirliu thotë se nuk duhet çuam dëm sakrifica e kaq shumë muajve, ndërsa shton se me durim dhe kurajo dhe maskën e vendosur kudo, do ia dalim.

“Mirëmëngjes unë sapo dola nga shtëpia për të vajtur në punë dhe e vendosa maskën. Nga dita e enjte kjo do të jetë rregull për të gjithë. Askush nuk na pengon të mësohemi që sot ta bëjmë pjesë të garderobës dhe zakon të përhershëm tonën. Kemi mundësi të mbrohemi të ulim infektimet. Pse duhet të sëmuremi. Pse duhet ta çojmë dëm sakrificën e kaq shumë muajve.

Pavarësisht përgatitjes spitalore është jeta e shqiptarëve ajo që duhet të mbrojmë. Të ndihmojmë veten dhe të tjerët. Të mbrojmë shëndetin duke vendosur barrierën mbrojtëse. Beteja e parë që duhet të fitojmë është beteja shëndetësore. Do të jemi bashkë edhe këto muaj me durim edhe kurajo me maskën e veshur kudo. Javë të mbarë dhe kujdesuni për vete”, shprehet Ogerta Manastirliu./ Opinion.al

Pas