Aktualitet

Afera CEZ-DIA, Hejsek-Ismailaj përfituan miliona euro


Bëhu pjesë e Grupit Zyrtar të Opinion.al
>> KËTU <<
               Publikuar në : 14:20 - 17/12/15 |
b.f

Kastriot Ismailaj sipas prokurorisë së Tiranës në aferën CEZ-DIA ka bashkëpunuar ngushtë me ish-adminstratorin e bordit të kompanisë çeke në Shqipëri, Josef  Hajsek.

Nga ky bashkëpunim thonë hetuesit kompania e Ismailaj përfitoi 512 milion lekë të reja, pa kryer asnjë punë në mbledhjen e borxhit të CEZ. Prokuroria e Tiranës ka ndarë procedimin penal për Hajsek dhe aktualisht po kryhen veprime hetimore, që ai të vihet në dijeni për akuzat e ngritura në vendin tonë.

Hetuesit i kanë dërguar informacion fillmisht në adresën që disponojnë, por nga përgjigjet e kthyera ka rezultuar se Hajsek nuk banon më aty.

Tashmë është njoftuar Ministria e Drejtësisë për ngërcin e krijuar dhe pritet që të gjendet adresa e saktë Josef  Hajsek për t’i komunikuar akuzën e mashtrimit me pasoja të rënda.

Prokuroria thotë se, marrëveshja mes Parlametit shqiptar dhe kompanisë CEZ për zgjidhjen me marrëveshje të kontratë nuk e pengon atë të hetojë ish-drejtuesit e kompanisë çeke për këtë rast.

Për grupin hetimor, Hajsek ka përgjegjësi penale në lidhjen e kontratës me DIA-n. Kastriot Ismailaj duke pёrdorur tё dhёna tё rreme dhe dokumenta fiktive nё bashkёpunim me shtetasin Josef Hejsek ka pёrfituar nё mёnyrё tё kundraligjshme shumёn 512 milion lekëve të rinj.

Paratё e pёrfituara nёpёrmjet mashtrimit Ismailaj nuk i ka pёrdorur për të përmbushur kontratën, por sipas Prokurorisë i ka transferuar jashtё vendit. Ismailajt i komunikuar akuzat për mashtrim dhe pastrim parash dhe rrezikon dënimin me 20 vjet burg.

KOMENTO (0)

Shkruaj nje koment

    Pas