-U tha në Opinion

Masakra e Reçakut, Walker: Serbët grumbulluan burrat dhe i vranë



Bëhu pjesë e Grupit Zyrtar të Opinion.al
>> KËTU <<
               Publikuar në : 23:08 - 18/01/23 |
Opi Nion

Në emisionin “Opinion” Ambasadori Ëilliam G. Walker, ish-shef i Misionit Monitorues të OSBE-së në Kosovë, rrëfen diskutimet e para që ka patur me banorët e Reçakut në janar të vitit 1999, pasi konstatoi masakrën e bërë nga trupat serbe.

Walker thotë se ka folur më një nga tre burrat e mbijetuar në Reçak, të cilët i treguan për bombardimet e serbëve në fshat.

Referuar dëshmive të marra në atë kohë në fshat, burrat Reçakut të kapur nga serbët kishin menduar se do të shoqëroheshin prej tyre, por më vonë ata u pushkatuan.

Fevziu: kohë për të reflektuar… Çfarë diskutimesh patët me banorët vendas, me banorët e fshatit? Mbani mend ndonjë gjë?

Walker: Fola me banorët e fshatit të cilat ishin kryesisht gra. Fola me një burrë, që e mbaj mend.

Fevziu: Vetëm tre burra mbijetuan nga kjo masakër.

Walker: Po. Historia që mu tha është se ushtria serbe ndodhej lartë në kodra rreth qytezës dhe po e bombardonin për pjesën më të madhe të 15 janarit. Më vonë, në pasdite të 15 janarit, zbritën nga kodrat. Në atë çast burrat dhe djemtë thanë: më mirë të largohemi që këtu. Nuk donin që të rriheshin dhe të keqtrajtoheshin. Shumica prej burrave shkuan në një drejtim, ndërkohë 2-3 të tjerë shkuan në një drejtimin tjetër. Këta të fundit mbijetuan. Fola me një prej tyre që më thanë këtë gjë, që ma konfirmuan edhe gratë. Thanë se po, ishim në shtëpitë tona, policia erdhi në fshat dhe menjëherë urdhëroi të gjithë djemtë dhe burrat të dalin jashtë. Dolën. Disa prej tyre u rrahën. Sigurisht që ishin të çarmatosur. U shoqëruan duke iu drejtuar armët drejt një përroske. Banorët thanë se mendonin se po shoqëroheshin për tu marrë në pyetje, për tu burgosur që do ishte në rregull. Vetëm më vonë kur dëgjuan të shtënat kuptuan se diçka kishte ndodhur. Historia ishte shumë e qëndrueshme. Ajo që Beogradi u përpoq më vonë të bënte ishte të pretendonte…

Fevziu: Doja t’iu pyesja, folët me autoritetet serbe lidhur me ngjarjet e ndodhura në Reçak?

Walker: Kur u ktheva…

Fevziu: Për versionin e tyre zyrtar të ngjarjes.

Walker: Versioni zyrtar ishte se ka pas një përplasje ushtarake midis UÇK-së dhe forcave speciale serbe. Ky ishte versioni i tyre. Na çuan Gjeneral Lonçarin.

Pas