Kryeministri Edi Rama ka komentuar ditën e sotme deklaratën e presidentit Ilir Meta, i cili tha se nëse PS do fitojë zgjedhjet e 25 prillit, do të të marrë drejtimin e opozitës. Më tej, Rama tha se në zgjedhjet e 25 Prillit, shqiptarët do të zgjedhin mes drejtësisë dhe Ilir Metës.
“Në një farë mënyre Meta duhet falenderuar se ka sqaruar ekuacionin e referendumit, i cili ishte një ekuacion i paplotë me vetëm njërën anë që në 25 prill referendumi popullor do të shpërbëjë reformën në drejtësi. Tani Meta i fton shqiptarët në një referendum ku duhet të zgjedhin me drejtësinë apo me Metën. Zgjedhje më të qartë nuk mund të ishte për 25 prill dhe për këtë Ilir Meta duhet falenderuar. Dhe perse i përket marrjes së opozitës kjo është shumë e qartë për ata që shikojnë përtej asaj që duket, mjaftojnë të shikojnë firmosjen e marrëveshjes së djeshme është shumë e qartë për të kuptuar planin pse u firmos marrëveshja dje?”, tha Rama.
Më tej, Kryeministri Edi Rama ka folur edhe për marrëveshjen për koalicion midis PD dhe LSI. Kreu i qeverisë tha se Sali Berisha dhe Ilir Meta duan të “lidhin me zinxhirë” kryetarin e PD-së, Lulzim Basha, i cili sipas tij nuk është lider por thjesht “menaxher” i selisë blu.
“Për çfarë, si mund të firmoset para zgjedhjeve një marrëveshje që shkojnë të ndarë në zgjedhje, pse për çfarë? Është pjesë e planit për të lidhur Lulin me zinxhirin e Monikës, për llogari të Ilirit dhe Saliu dhe pastaj ose për të marrë pushtetin dhe për të shpërbërë reformën në drejtësi ose kokën e Lulit, a ka më thjeshtë se kaq dhe është shumë e qartë pse e duan Lulin para zgjedhjeve, por këtu problemi nuk është Meta, por Lulzim Basha që nuk ka këllqe, që nuk ka karakterin e një lideri që të mos fshihet as kur i tregojnë se çfarë do t’i bëjnë të nesërmen dhe as kur aleati i tij i madh thotë “unë amerikanët i kap për veshësh, por nuk ia kërkojmë se nuk është lider por i një thjesht menaxheri i një shoqërie aksionere me 2 ortakë, Ilir Metën dhe Sali Berishën dhe me një notere e përmbaruese, Monika”, tha Rama.
