Kryetari i Komunës së Çairit, Izet Mexhiti në një intervistë për REL ndërmjet tjerash theksoi “Kur mundet që në Shkup të ketë luana dhe dema, ndoshta i tërë kopshti zoologjik, pse të mos gjendet edhe shqiponja që është nga ky rreth”.
Zotëri Mexhiti, shqiponja dy krerësh e vendosur në Çair dhe themelet e Kryqit të ri në Butel e hapën pyetjen- A janë këto përgatitje për zgjedhje të parakohshme parlamentare ose po përballeni me mos pajtime në koalicion?
“E para, nuk mundet që shqiponja dy krerësh të jetë si pretekst për atë që është ndërmarr në Butel, të një vendimi të marr brenda natës, pasi që ky simbol nuk është vendosur për inati të tjerëve, por për vlerësimin e simbolit të shqiptarëve dhe bazohet në vendimin e programit në vitin 2012, ndërsa si vendim i veçantë në vitin 2015, duke respektuar principin e Badinterit.
E dyta, kur mundet që në Shkup të ketë luana dhe dema, ndoshta i tërë kopshti zoologjik, pse të mos jetë edhe shqiponja dy krerësh e cila është nga ky rreth.
Nuk mund që të bëni një paralele të tillë dhe nëse shikohet në mënyrë sasiore, pasi që janë vendosur me qindra përmendore nga ana tjetër, ku realisht një maqedonas edhe nuk i njeh shumicën prej tyre se kush janë dhe çka janë.
Ndërsa në Çair gjatë këtyre dhjetë viteve i vendosëm Skënderbeun, Hasan Prishtinën dhe shqiponjën dy krerësh.
As në aspektin cilësor e as në aspektin sasior nuk mund që të bëhet një paralele e tillë ose të jetë pretekst për vendosej ne kryqit.
Dhe në raport me kryqin, edhe po të ishte përgjigje ndaj shqiponjës dy krerësh, e logjikshme do të ishte që atje të vendosej ndonjë luan ose ndonjë simbol etnik i maqedonasve.
Qëndrimi i jonë është se nuk guxojnë që të keqpërdoren simbolet fetare për politikë ditore. Por, nuk ka asnjë forcë e cila do të na detyronte neve që t`ia kthejmë me minare ose diçka tjetër. Pasi që shqiptarët i përkasin tre bashkësive fetare.
Ne vlerësojmë se minarja duhet që të jetë në xhami, ndërsa kryqi në kishë ose manastir. Nuk është vendi i kryqit ose minareve në mes të udhëkryqeve ose në rrugë”, deklaroi Mexhiti, transmeton zhurnal.mk
A prisni që kjo ngjarje mund të eskaloje dhe të sjell kriza edhe më të thella brenda koalicionit nëse vlerësohet se shqiponja dy krerësh nuk është vendosur në pajtueshmëri me Ligjin dhe në Saraj paralajmërohet vendosja e një përmendore të njëjtë, ndërsa është paralajmëruar edhe një referendum për kryqin?
“Nëse e kuptojnë këtë, sinqerisht duhet që të reflektoje pala tjetër, të analizoje dhe të debatoje në rrethet e saja, pasi që argumentet janë në anën tonë dhe ne po i shfrytëzojmë të gjitha principet demokratike për ta kontestuar një vendim jo legal”, deklaroi Mexhiti, transmeton zhurnal.mk
A nuk mendoni se me këto veprime jo vetëm që do të krijoni probleme në koalicion, por edhe do të nxisni tensione ndëretnike, pasi që dihet se qytetarët janë të dobët kur bëhet fjalë për simbole fetare dhe nacionale?
“Ne nuk jemi duke bërë asgjë tjetër përveç që po i shfrytëzojmë metodat demokratike që janë marr nga vendet evropiane. Ne vetëm po e ngremë zërin tonë, po protestojmë kundër vendimit jo legjitim i cili në të ardhmen do të nxitë kriza dhe provokime”, deklaroi Mexhiti, transmeton zhurnal.mk
Por, në opinion po mbisundon mendimi se kjo është një lojë politike e cila jo rastësisht po realizohet para zgjedhjeve, duke e pasur parasysh se në një atmosferë relaksuese paraprakisht u realizuan projektet: Shkupi 2014, u ndërtua qendra e re Skënderbeu, ndërsa në Bit Pazar para Stacionit Policor ka një shqiponjë dy krerësh e cila pa zë u pat vendosur. Pse tani nuk u morët vesh për dy përmendoret?
“Mirë bëtë që përmendet një shembull. Para dy viteve u vendos shqiponja para stacionit policor në Bit Pazar dhe nuk kishte kundër reagim nga ana tjetër si tani. Duhet që te to ta kërkoni përgjigjen se pse tani po reagojnë në atë mënyrë”, deklaroi Mexhiti, transmeton zhurnal.mk
