Aktualitet

Manifestimi/Kim: Shqiptarët e dinë si ndihesh kur dikush do të mohojë ekzistencën


Bëhu pjesë e Grupit Zyrtar të Opinion.al
>> KËTU <<
               Publikuar në : 13:13 - 08/04/22 |
Opi Nion

Ambasadorja Yuri Kim po mban fjalën e saj në manifestimin e zhvilluar këtë të premte në Tiranë në mbështetje të Ukrainës dhe popullsisë atje, e cila prej më shumë se një muaji po përballet me agresionin rus.

Kim citoi fjalët e Biden dhe tha se Putini i kishte bërë keq llogaritë, ai u ndesh më një mur të fortë që ishtepopulli ukrainas.

Më tej ajo theksoi se bashkohet për të shprehur solidaritetin dhe miqësinë me Ukrainën.

“Siç tha Presidenti Biden, Putini i ka bërë keq llogaritë, ai mendoi se mund të futej në Ukrainë dhe bota do t’i hapte rrugën, por u ndesh me një mur të fortë që nuk e kishte parashikuar, popullin e Ukrainës. Është nder për mua të qëndroj këtu me kolegun tim, ambasadorin Shkurov dhe t’i shpreh mbështetjen se ne qëndrojmë me Ukrainën kundër këtij agresioni. Besoj se çdo shqiptarë bie dakord me këtë. Nuk e them vetëm sepse ju jeni aleatë të SHBA dhe NATO, nuk e them vetëm sepse jeni pjesë e Europës dhe prisni të bëheni pjesë e BE, e them sepse askush më shumë se shqiptarët e dinë si ndihet të kesh dikë që kërkon të mohojë ekzistencën tuaj, t’ju thotë se ju nuk keni të drejtë të ekzistoni. Askush nuk e di më mirë tmerrin e të arratisurit prej bombave, agoninë e të varrosurit të të afërmve të vdekurve apo dhe më keq, pamundësi për t’i dhënë një varr atyre që kanë vdekur. Askush nuk e njeh më mirë vlerën e ngushëllimit kur dikush shtrin dorën. Bashkohem me ju për të shprehur solidaritetin me miqtë e Ukrainës dhe për të thënë ‘rroftë Ukraina'”, tha ambasadorja./Opinion.al

Pas