Aktualitet

“Mandati i 2 notë pozitive”, Basha-Ramës: Përrallos për arritje imagjinare


Bëhu pjesë e Grupit Zyrtar të Opinion.al
>> KËTU <<
               Publikuar në : 13:48 - 25/08/21 |
Opi Nion

Pas deklaratave të kryeministrit Rama për arritjet në mandatin e dytë të qeverisjes ka reaguar kreu i PD, Lulzim Basha.

Në një postim në Twitter,  kryedemokrati shkruan se kreu i qeverisë përsërit mashtrimet e vjetra. Sipas tij mafia e inceneratorëve, krimi, korrupsioni, ekonomia dhe integrimi që mbahet peng nga dështimet e njëpasnjëshme është bilanci real i qeverisë Rama.

“Asgjë e re nga përsëritja e mashtrimeve të vjetra. Plehrat digjen në kriza mjedisore të stisura për të çuar taksat e qytetarëve te mafia e inceneratorëve, krimi gëlon prej ortakërisë me pushtetin, korrupsioni që ka kapur shtetin është i përhapur në çdo qelizë të qeverisë varfëron dhe largon shqiptarët, të braktisur edhe në kohë pandemie me numrin më të lartë të vdekjeve në raport me popullsinë në Europë dhe paketat më të vogla ekonomike në kontinent, integrimi në të cilin mbahet peng nga dështimet e njëpasnjëshme.

Ky është bilanci real i një regjimi që masakron zgjedhjet vetëm për të vjedhur familjet shqiptare. Autorët e tij duhet të ishin përpara drejtësisë për atë që u kanë bërë Shqipërisë dhe shqiptarëve në këto 8 vite, jo duke përrallosur për arritje imagjinare.  PD është e angazhuar për të sjellë ato zgjidhje që masakra e 25 prillit u mohoi qytetarëve, sepse asgjë e mirë nuk mund të vijë nga një e keqe e vjetër që e ka bërë Shqipërinë të pajetueshme për fëmijët tanë”,.

Më herët në konferencën përmbyllëse të mandatit të dytë, Rama tha se mandati i dytë mbyllet me një notë pozitive, ku qeveria u përball me dy sfida të mëdha atë të tërmetit dhe pandemisë./Opinion.al

Pas