Aktualitet

Manastirliu një ditë para ndërrimit të viteve: Kemi marrë masa…


Bëhu pjesë e Grupit Zyrtar të Opinion.al
>> KËTU <<
               Publikuar në : 13:01 - 30/12/20 |
Opi Nion

Ditën e sotme ministrja e Shëndetësisë, Ogerta Manastirliu tha se urgjencat kanë marrë masat për të qenë në gatishmëri  gjatë 24 orëve në këtë fundvit për të përballuar çdo rast.

Manastirliu, e ndodhur në Spitalin e Traumës, deklaroi se janë vendosur ekipe shtesë për përballimin e urgjencave mjekësore.

 “Ekipet shëndetësore në gjithë sistemin tonë, qoftë ato të Urgjencës Kombëtare, qoftë të spitaleve tona që nga ato universitare deri tek rajonalet, bashkiaket do të jenë me ekipe të përforcuara për të përballuar çdo emergjencës që mund të kemi. Do të kemi në sistemin e Urgjencës Kombëtare 100 ekipe, të cilat janë të shpërndara në terren në postacione për të mbuluar çdo emergjencë në kohë dhe me cilësi. Nga ana tjetër të gjithë sistemet dhe strukturat e urgjencave në spitale por edhe të shërbimeve në spitale do të jenë të përforcuara, duke organizuar punën me shërbimin “on call”, pra të mjekëve të cilët do të jenë të gatshëm, nëpërmjet sistemit të thirrjeve për çdo emergjencë që mund të ketë në spitalet tona”, bëri të ditur Manastirliu.

Për shkak të situatës së krijuar nga pandemia COVID-19 në të gjithë vendin nuk do të lejohen grumbullimet e qytetarëve./Opinion.al

Pas