Politikë

Manastirliu kërkon mbajtjen e maskës në komision, deputetja e PD: Refuzoj


Bëhu pjesë e Grupit Zyrtar të Opinion.al
>> KËTU <<
               Publikuar në : 12:15 - 01/11/21 |
Opi Nion

Ka pasur sërish debate në Komisionin e Shëndetësisë, ku ministrja e Shëndetësisë, Ogerta Manastirliu, ishte e ftuar në dëgjesën e kësaj të hëne për të raportuar lidhur me situatën e Covid-19 në vend dhe masat që po merren nëpër shkolla, universitete e konvikte.

Ministrja e Shëndetësisë ka kërkuar që pjesëmarrësit në komision të mbanin maska, kjo për të respektuar protokollin e vendosur, por edhe për të mbrojtur veten.

Kjo kërkesë e Manastirliut nuk u respektua nga deputetja e Partisë Demokratike, zonja Oriola Pampuri, e cila tha se mbajtja e maskës nuk mund të bëhet për hiprokizi. Deputetja demokrate u shpreh se shumë studentë po marrin pjesë nëpër auditore pa maskë, apo udhëtarët nëpër autobusë nuk i mbajnë maskat.

Para se të marr fjalën dua të bëj një kërkesë për mbajtjen e maskave. Për të mbrojtur shëndetin e atyre fëmijëve që ne përmendim, por edhe tonën. Duke respektuar kështu edhe protokollin”-tha ministrja Manastirliu.

Refuzoj të mbaj maskën për hipokrizi. Duke qenë se në të njëjtën kohë linjat e autobusëve janë të tejmbushura dhe studentët në auditorë janë pa maska”-iu përgjigj Pampuri./Opinion.al

Pas