-Teknologji

Makinës iu thyen xhamat, Musk humbet 768 milionë dollarë


               Publikuar në : 13:27 - 25/11/19 |
el ida

Prezantimi i modelit të ri të makinës “Cybertruck” nga Tesla, rezultoi një dështim që pasoi rënien e aksioneve me më shumë se 6 përqind.

Ajo që u cilësua nga gjigantët e prodhimit të makinave elektrike, si kryevepra dhe revolucioni i radhës pretendohej se ishte e pashkatërrueshme por testi i dritareve rezultoi jashtë pritshmërive, dhe automjeti përfundoi me xhama të krisur.

Forbes shkruan se pas këtij momenti, Elon Musk humbi 768 milionë dollarë, nga pasuria e tij që llogaritet rreth 23.6 miliardë dollarë.

Prurja e re e Teslas do të dalë në treg vitin e ardhshëm dhe do të jetë e gjatë 588 centimetra dhe 190 centimetra e gjerë, ndërsa do të ketë kapacitet deri në 6 vende, ndërsa çmimet do të varjojnë nga 40 mijë deri në 70 mijë dollarë.

Pavarësisht asaj që ndodhi në prezantim, Musk ka bërë të ditur se deri tani ka marrë 150 mijë porosi për makinën e re./Opinion.al

Pas