Majk është një ndër reperët më të mirë shqiptarë por dhe një nga më të komentuarit nga mediat rozë.
Pas ndarjes nga Majlinda Zeka, me të cilën ka dhe një djalë ai u lidh me modelen Melita Nushi. Me Melitën, vajzën e nënkryetarit të Komunës së Prishtinës Majku u nda pak kohë më parë, madje me bujë.
Fill pas kësaj ndarje nisën të qarkullojnë disa foto të reperit Majk me një modele nga Prishtina që quhej Xhuli Nura.
Mirëpo Majk është kapur sërish “mat” me një tjetër vajzë.
Burime për revistën “Story” kanë fotografuar Majk në një bar në Tiranë, shoqëruar nga e dashura e tij e re.
Mësohet se vajza është nga Shqipëria dhe jeton në Tiranë. Ajo quhet Kejda dhe është 18 vjeç dhe nuk është aspak e panjohur për mediat, pasi është ndër tatuatoret e para femra në Shqipëri.
Se a bëhet fjalë për flirt afatshkurtër apo diçka më shumë na mbetet ta shohim me kalimin e kohës.
