Sport

Maguire, kapiteni i Manchester jep dorëheqjen pas dënimit me burg në Greqi


Bëhu pjesë e Grupit Zyrtar të Opinion.al
>> KËTU <<
               Publikuar në : 22:11 - 25/08/20 |
Opi Nion

Kapiteni i Manchester United, Harry Maguire ka dhënë dorëheqjen nga skuadra angleze pas dënimit me burg në ishullin grek, Siros.

Mbrojtësi 27 vjeçar është shpallur fajtor për sulm dhe rezistencë ndaj arrestimit, dhe për dhënie ryshfeti edhe pse i mohoi të  gjitha akuzat.

Maguire dyshohet se u tha policëve, “A e dini kush jam unë? Unë jam shumë i pasur, mund t’ju jap para“. Kjo ndodhi pasi ai u arrestua gjatë një sherri në orët e vona të natës në ishullin Mykonos.

Dëshmia e dy oficerëve të policisë, të cilët u paraqitën si dëshmitarë kryesorë për prokurorinë, ishte në mesin e një morie pretendimesh që dolën në seancë.

LEXO EDHE -Tentoi të korruptonte policët, gjykata greke shpall fajtor Harry Maguire

Menaxheri Gareth Southgate tha se dorëheqja e Maguire ishte në interes të të gjitha palëve.

“Pasi fola me Manchester United dhe me futbollistin, unë mora vendimin më të mirë në interes të të gjitha palëve”, u shpreh ai.

Maguire mori një dënim me 21 vite e 10 ditë burg, që u pezullua për tre vite. Ai u shpreh se vendimi do të apelohet, ndërsa pohoi se ishte viktimë në këtë çështje.

Një ditë pas sherrit në Mykonos, mediat angleze nxorrën variantin se Maguire ishte përleshur me një grup shqiptarësh. Sipas deklaratës së Harry Maguire, shqiptarët i kishin ngacmuar motrën. Por avokati i policëve grekë, Ioannis Paradissis, tha se kjo ishte një histori e turpshme dhe e sajuar nga futbollisti anglez dhe miqtë e tij, pasi asnjë teori e tillë nuk është e vërtetë.

“Maguire dhe shokët e tij trilluan një histori për shqiptarët që ngacmuan motrën e tij. Nuk kam dëgjuar kurrë gjëra kaq të ulëta. Kjo ishte përpjekje e turpshme për të mbuluar sjelljen e tyre të neveritshme dhe një fyrje për shqiptarët dhe për policinë greke”.

Avokati i policëve theksoi se Maguire u tregua frikacak dhe duhet të kërkojë falje për sjelljen e tij./Opinion.al

 

Pas