Padyshim, momenti më i lumtur për çdo njeri, është ai kur bëhet prind. Ermal Hasimja ndau sonte në “Opinion” pikërisht ndjesinë e lumturisë që përjetoi ditën që u bë baba për herë të parë.
“Kam qenë në Prishtinë, më merr baba në telefon dhe më thotë hajde se ka me lind çuni, çuni i madh. Unë nisem në makinë, po ka qenë e fortë ajo ndjesia e lumturisë sa nuk e di si kam arritur gjallë. Se ka qenë rruga 8 orë, jo siç është sot. As nuk e di fare si kam arrit, se në kokën time të gjitha kthesat i kam marrë drejt. E kam tejkalu veten në një pikë që nuk më ndodh ta kaloj. Arrita te dera e maternitetit, shqiptarshe në atë kohë…
Thashë tejkaloj veten se nuk është shembull i mirë për t’u dhënë, por po e tregoj për të treguar sa e fortë ishte ndjesia. Më del roja e më thotë ku po shkon ti, thashë po ik lart se më ka lind çuni. Aaaa më ka thënë drejtori nuk lejohet me shku lart. Ngela unë dhe kreativiteti i prindit që mezi kishte ardh…Me rrugën e vjetër, masakër! I thashë unë jo e ke gabim, ai është drejtori i vogël. Është edhe drejtori i madh. Ngeli roja, kush është ky. I thashë drejtor i madh është Ismail Qemali, një të nxjerrë një pesë mijë lekësh. Tha, aaa ky është lideri suprem!”, rrëfeu Hasimja.
