Rajoni

Lumezi: Hetim nëse vaksinat Covid nga Serbia u futën ilegalisht


Bëhu pjesë e Grupit Zyrtar të Opinion.al
>> KËTU <<
               Publikuar në : 21:25 - 27/12/20 |
Semiljana Azizi

Kryeprokurori i Shtetit në Kosovë, Aleksandër Lumezi u shpreh se do të nisin hetimet në rast se ka prova për futjen e vaksinave anti-COVID nga Serbia në mënyrë ilegale në Kosovë.

Këtë koment Kryeprokurori i Shtetit e bëri në Gazetën Express,  një ditë pasi ministri i Drejtësisë Selim Selimi, i ka bërë thirrje publike Prokurorisë që ta hetojë hyrjen e vaksinave nga Serbia. Ministri i Drejtësisë pretendon se këto vaksina janë futur në Kosovë në mënyrë ilegale.

Lidhur me këtë çështje ka reaguar kryeprokurori Lumezi. Ky i fundit tha se nëse prokuroria siguron prova të mjaftueshme, menjëherë do të fillojnë hetimet penale.

Prokuroria Themelore në Mitrovicë do të fillojë me grumbullimin e informatave dhe të dhënave të duhura, për të vërtetuar pretendimet nëse vaksinat kanë hyrë nga Serbia në mënyrë të kundërligjshme. Nëse sigurojmë bazë dhe prova të mjaftueshme atëherë menjëherë do të fillojmë edhe me hetimet penale”, tha Lumezi të dielen për Gazetën Express.

Kujtojmë që Kosova nuk ka siguruar akoma vaksina, por ka aplikuar në programin COVAX, i cili u mundëson vendeve të varfra dhe me zhvillim të mesëm të arrijnë te një numër i kufizuar i vaksinave./Opinion.al

Pas