Bota

“Lufta në Ukrainë po ndikon në çmimet e energjisë dhe ushqimeve në mbarë botën”



Bëhu pjesë e Grupit Zyrtar të Opinion.al
>> KËTU <<
               Publikuar në : 19:23 - 07/06/22 |
Opi Nion

Sekretarja e Thesarit të SHBA-së, Janet Yellen pranoi të martën se inflacioni është në “nivele të papranueshme”, por gjithashtu u përpoq të nënvizonte se nuk është një problem ekskluziv për Shtetet e Bashkuara të Amerikës.

“Lufta e Putinit në Ukrainë po ndikon në çmimet e energjisë dhe ushqimeve në nivel global”,-tha Yellen ligjvënësve.

“Ne nuk jemi i vetmi vend që përjetojmë inflacion. Ju mund ta shihni këtë pothuajse në çdo vend të zhvilluar anembanë botës.”

Duke folur gjatë një seance dëgjimore të Komitetit të Financave të Senatit të martën, Yellen vuri në dukje lëshimin rekord të administratës Biden të naftës nga Rezerva Strategjike e Naftës.

“Çmimet e energjisë dhe benzinës, megjithëse janë shumë të larta, ato do të ishin më të larta pa këtë,”-tha Yellen për lëshimin urgjent të naftës.

Ajo theksoi gjithashtu se Shtetet e Bashkuara nuk janë imune ndaj goditjeve globale të energjisë./Opinion.al

Pas