Aktualitet

Lufta ndaj dezinformimit/ Shqipëria e parafundit në rajon


               Publikuar në : 21:30 - 19/05/19 |
Al Do

Finlanda është shteti më i suksesshëm në luftën kundër ‘fake news’. Ky është rezultati i një studimi i cili analizon 35 shtete për mënyrën se si ato reagojnë pas verifikimit të lajmit.

Pjesë e 35 vendeve të përfshira në studim është edhe Shqipëria. Ne renditemi të 33-tët duke lënë pas vetëm Turqinë dhe Maqedoninë e Veriut. Vende të tjera të rajonit që renditen më sipër janë Bosnja, Mali i Zi, Serbia madje dhe Hungaria e cila kohet e fundit ka patur probleme përsa i përket cilësisë së sistemit demokratik.

Në artikullin e CNN, që i kushtohet kësaj analize Finlanda përshkruhet si shteti që duhet marrë shembull për politikat që ndjek në luftën kundër lajmeve të rreme. Hulumtuesi nga Helsinki, Jussi Toivanen e cilësoi këtë problem jo thjesht qeveritar, por një sfidë për shoqërinë dhe se mbrojtja ndaj tij duhet bërë që në fazat e para të edukimit të popullsisë. Toivanen u mëson studentëve të tij se si të dallojnë lajmet e rreme në qendrën arsimore Espoo. Kursi i tij i prezanton studentëve një listë metodash të përdorura për të mashtruar lexuesit në mediat sociale: manipulime përmes imazheve e videove, përmes të dhënave gjysmë të vërteta apo mungesës së informacioneve personale. Kjo është pjesë e një iniciative të qeverisë Finlandeze në 2014 kundër dezinformimit. Qëllimi ishte t’u mësohej banorëve, studentëve, gazetarëve dhe politikanëve se si t’i kundërvihen informacioneve të rreme, të konceptuara për të mbjellë përçarje./ Opinion.al

Pas