Kryesore

Luan Rama për Spiropalin: Nuk përgëhet deti se fut turinjtë një mi


Bëhu pjesë e Grupit Zyrtar të Opinion.al
>> KËTU <<
               Publikuar në : 14:08 - 09/10/20 |
el ida

“Nuk përgëhet deti se fut turinjtë një mi”. Me këto fjalë Sekretari i Përgjithshëm i LSI Luan Rama prëmes një daljeje për mediat i është përgjigjur ministres Elisa Spiropali. Kjo retorikë ironish dhe fyerjesh ka ardhur një ditë pas qëndrimit të ministres Spiropali në “Opinion”, lidhur me dekorimet e presidentit ndaj dëshmorëve dhe të rënëve në luftë.

Spiropali e cilësoi Metën “si gjenerali i ushtrisë së vdekur”, çka shkaktoi reagim nga Presidenca dhe LSI.

“Referuar gojës që i artikuloi fyerje të tilla poshtëruese duke krahasuar të rënët, heronjtë, dëshmorët me ushtritë e vdekura pushtuese, unë them se nuk do ta ulja veten të merresha me të dhe nuk do t’ju merrja kohë për një personazh që ju e neverisni. Për sa kohë që këtë qëndrim poshtërues, fyes e mban dhe qeveria e Shqipërisë, akti nuk është më një sjellje provokative, por qëndrim i qëllimtë si pjesë e një strategjie të ligë që synon që përmes përbaltjes së dëshmorëve në Shqipëri dhe atyre në Kosovë, vrasjen e identitetit tonë kombëtar dhe synon të lënë atdheun pa dëshmorë e heronj”, u shpreh Luan Rama.

Duke ju referuar dekorimeve nga presidenti, së fundi edhe për Vojo Kushin dhe pjesëmarrësit e Luftës së Vlorës, Rama tha: “Nëse dikujt nuk i pëlqen që presidenti dekoroi kapedanët e luftës së Vlorës dhe e përdor këtë për interesa të ulëta politike të ditës duke thënë se presidenti dhe varrmihësit e tij po merren me të vdekurit e para 100 viteve, dëshmon në thelb se çfarë ligësie shpreh qeveria shqiptare ndaj kësaj lufte, por edhe ndaj gjithë të rënëve në Kosovë dhe Shqipëri. Për cilindo që mban, artikulon, ushqen gojë të liga në detin e madh të zemrave shqiptare është shprehja: Nuk përgëhet deti nëse fu turinjtë një mi”./Opinion.al

 

 

Pas