Luan Haka kandidati i PD për kryetar bashkie në Dibër ka dhënë një prononcim për gazetarët, para se të bëhej pjesë e mbledhjes së Kolegjit të Kryetarëve.
Para gazetarëve ai ka hedhur dyshimet që zgjedhjet në Dibër janë manipuluar përmes blerjes së votës.
Haka ka mbrojtur Bashën duke u shprehur se ai ka bërë fushatë në Dibër por banda, sipas tij, ka arritur të blejë fitoren.
“Me atë bandë që ka qenë në Dibër, të gjithë ministrat kanë qenë në Dibër dhe e dinë të gjithë sa është bërë pagesa për një votë në Dibër. Basha ka bërë fushatë. Pse Basha duhet ta mbrojë votën në Dibër? E gjithë administrata ishte në Dibër. Kjo nuk është dorëzim, por vazhdimi i një beteje”,-tha Haka./Opinion.al
